HM verður spælt við einum heilt nýggjum slag av fótbólti frá Adidas, sum er seymaður saman av 14 "patchwork-lepum", heldur enn teir vanligu 32 fimm- og seks-kantar. Hetta ger at hann ferðast ørvísi, nógv meira flákrandi í luftini, og hartil er óvanliga hálur í regni.
FSF-formaðurin Óli Holm heldur tað vera løgið, at Kringvarpið lýsir við 150 tímum av HM-fótbólti, samstundis sum teir ikki vilja senda frá føroyskum fótbólti. Og tí umhugsar hann at taka tað upp við FIFA, nú hann er í kongres hjá teimum í München.